Canllaw i fesur ôl troed carbon

Pam cyfrifo eich ôl troed carbon?

Mae cyfrifo eich ôl troed carbon wedi dod yn ofyniad hanfodol i lawer o fusnesau. Mae llawer o brynwyr yn y sector cyhoeddus yn gofyn fwyfwy am dystiolaeth o brosesau lleihau allyriadau carbon ac mae mwy o fusnesau yn datblygu strategaethau lleihau carbon i sicrhau contractau. Gall gwybod eich ôl troed carbon a datblygu strategaethau hefyd helpu i wella'ch brand a'ch enw da, lleihau costau gweithredu a denu darpar fuddsoddwyr.

 

Mae mesur eich ôl troed carbon yn cynnig nifer o fanteision ymarferol. Heb fesur, mae'n amhosibl rheoli eich allyriadau carbon yn effeithiol. Trwy gasglu'r data angenrheidiol ar gyfer cyfrifo eich ôl troed carbon, gallwch nodi a blaenoriaethu meysydd lle gallwch wneud gwelliannau sylweddol yn eich defnydd o ynni, tanwydd ac adnoddau.

 

Diffinio ôl troed carbon

Yn sylfaenol, mae'n mesur eich dylanwad ar newid hinsawdd. Mae dau fath fel arfer: olion traed carbon sefydliadol ac olion traed carbon cynnyrch.

Ôl troed carbon eich cwmni yw cyfanswm yr holl allyriadau nwyon tŷ gwydr y mae'n eu cynhyrchu o fewn cyfnod o 12 mis ac fe'i mesurir mewn tunnell fetrig o garbon, y cyfeirir ato fel carbon deuocsid cyfwerth (CO2e). 

 

I fesur y gwahanol allyriadau nwyon tŷ gwydr a allyrrir o fusnes, defnyddir tri chwmpas yn aml.

• Cwmpas 1:Dyma'r allyriadau o ffynonellau yr ydych yn berchen arnynt ac yn eu rheoli ac felly'n uniongyrchol gyfrifol amdanynt. I'r rhan fwyaf o fusnesau, bydd hyn yn cynnwys unrhyw wres nwy neu olew tanwydd y byddwch yn ei losgi ar y safle, a'r tanwydd a ddefnyddiwch yng ngherbydau eich cwmni. Os ydych yn defnyddio rheweiddio diwydiannol neu aerdymheru, byddai colledion oergelloedd hefyd yn cael eu cynnwys yma, ynghyd ag unrhyw allyriadau y gellir eu rhyddhau'n uniongyrchol yn ystod proses weithgynhyrchu.

 

• Cwmpas 2:Dyma'r allyriadau rydych chi'n eu cynhyrchu'n anuniongyrchol drwy'r ynni rydych chi'n ei brynu, sef trydan yn unig i'r rhan fwyaf o fusnesau. Trwy ddefnyddio trydan, rydych yn anuniongyrchol gyfrifol am y nwyon tŷ gwydr a gynhyrchir gan y cynhyrchydd ynni yn ei ffynhonnell.

 

• Cwmpas 3:Dyma unrhyw allyriadau eraill yr ydych yn anuniongyrchol gyfrifol amdanynt o ffynonellau y tu allan i’ch rheolaeth uniongyrchol, e.e. y nwyddau a'r gwasanaethau yr ydych yn eu prynu, dosbarthiad a defnydd eich nwyddau a'ch gwasanaethau eich hun gan gwsmeriaid, gwaredu eich gwastraff, cymudo gweithwyr neu deithiau busnes, ac ati.

  

Mae amrywiaeth o offer ar y farchnad sy'n galluogi busnesau i gyfuno eu hôl troed carbon. Mae Innovation Net Zero yn darparu mynediad i Gyfrifiannell Carbon dwyieithog cyntaf Cymru ar gyfer BBaChau. Mae'r injan garbon arloesol, yn casglu data ac yn awtomeiddio'r dadansoddiad i helpu i ddeall eich ôl troed carbon a derbyn strategaethau i helpu i leihau eich ôl troed carbon. I gael rhagor o wybodaeth am sut y gall y gyfrifiannell carbon eich helpu i ddarllen am y manteision yma.